A apresentaçom à imprensa é a primeira acçom de um programa completo que irá ocupar todo o fim de semana, de 26 a 28 de Janeiro, e que inclui o sábado 27 umha palestra e um concerto-lançamento e o domingo 28 um acto simbólico de lembrança da estreia do Grândola, vila morena em Compostela
[Clica na imagem para alargar]

O Vice-Presidente da Associação José Afonso, Paulo Esperança, apresentou o núcleo da Galiza que nasce “para fazer justiça ao Zeca” e transmitir a sua obra e exemplo de compromisso entre as geraçons mais novas por todo este país, afirmou.

“No núcleo da AJA-Galiza começamos um caminho, logo dumha trajectória longa de relaçons com Portugal, com a responsabilidade de difundir o legado e a vinculaçom do Zeca Afonso na Galiza”, explicou Xulio Villaverde, presidente da Associaçom José Afonso – Galiza.

Pola sua parte, Paulo Esperança assinalou que é um privilégio estar na Galiza para o lançamento deste novo núcleo da Associaçom quando a AJA portuguesa faz 30 anos — constituída apenas seis meses após a morte de José Afonso morreu em 23 de Fevereiro de 1987. A AJA — explicou — “tem como matriz essencial ser independente e autónoma, por isso nom recebe nem um euro do Estado, pois vive das quotas das pessoas associadas e das exposiçons e actividades que organiza”.

Além do núcleo galego, que acaba de se constituir, existem mais 15 núcleos da Associaçom José Afonso, um deles em Bruxelas, “polo que é um projecto dinâmico com a ideia de difundir a obra do Zeca”, assinalou. “Temos bastantes amigos na Galiza e já houvo vários intentos de criaçom dum núcleo, mais isso nunca foi conseguido”, explicou. “Na directiva nacional da AJA em Portugal está um galego, Xico de Carinho, que tocou com o Zeca e organizou varias giras, mas nunca conseguimos conformar o núcleo até agora”, engadiu. Segundo explicou, a directiva deste novo núcleo galego contou com a ajuda do músico Manuel Teixeira, de Lisboa, e com Xulio Villaverde.

José Afonso por várias vezes escreveu cartas a amizades para explicar que nom conseguia concertos em Portugal, por causa da censura, e que precisava dinheiro para alimentar os filhos, e é assim que lhe fôrom arranjadas várias actuaçons na Galiza, também com a intençom de espalhar a sua mensagem de liberdade frente a ditadura. “Para a AJA é um prazer e um privilégio poder fazer justiça ao Zeca, ver na Galiza um núcleo que terá todo o nosso apoio, amor e carinho para transmitir a obra e o exemplo de José Afonso às geraçons mais jovens e a todos os lugares deste país”, concluiu.

Ao remate da comparecência de imprensa, o músico Manuel Teixeira interpretou com a guitarra dous temas para evocar as letras reivindicativas do Zeca Afonso, a sua vigência e a sua ligaçom com a Galiza.

Programa de actividades

A apresentaçom à imprensa é a primeira acçom de um programa completo que irá ocupar todo o fim de semana, de 26 a 28 de Janeiro, e que inclui o sábado 27 a partir das 18h00 umha palestra na Gentalha do Pichel a cargo do próprio Paulo Esperança sob o título “Triângulo Mágico na vida e obra de José Afonso África-Portugal-Galiza”. A palestra irá acompanhada musicalmente polo presidente da associaçom, Francisco Fanhais, com entrada livre.

Ademais, a palestra dará passo ao concerto-lançamento na Sala Malatesta, a partir das 22h00, conduzido por Arancha Nogueira e com a participaçom de músicas e grupos galegos e portugueses: Uxía, Francisco Fanhais, Nao, Cais da Saudade, Falua, Banda das Crechas, Do Fondo do Peto, Tiago Fernandes, Xico de Carinho & Manolo Bacalhau.

A apresentaçom terminará o domingo 28 num acto simbólico de lembrança dos 45 anos da primeira interpretaçom ao vivo do Grândola Vila Morena, que foi estreada em Compostela, no Burgo das Naçons. O acto de lembrança será mui perto dali, no parque que actualmente leva o nome do poeta, cantor e andarilho português que tivo, sempre, a sua segunda pátria na Galiza.

7 dias atrás

AJA Galiza

Todo o nosso apoio e solidariedade com a Gentalha Do Pichel, que acabou de sofrer um novo roubo com desperfeitos. Máis do que nunca compre apoiar os centros sociais como espaços abertos, críticos e populares, sempre abertos a colaborar com associaçons como a nossa. Um abraço Gentalha! 🌹PILHAGENS OU REDES DE SOLIDARIEDADE?

Recentemente a Gentalha do Pichel tem sido vítima dum par de roubos no local social e agora sabemos que furtos do estilo estám a suceder-se também em pequenos negócios e mesmo associaçons e sindicatos.
Se bem no nosso caso nom supugérom quantias económicas muito importantes, sim gerárom significativos desperfeitos materiais e mermárom a caixa já de por si modesta nos tempos que atravessamos.
Da Gentalha somos conscientes de que as condiçons de vida da nossa classe estám cada vez mais depauperadas, situaçom agravada pola crise derivada da pandemia. Somos conscientes também de que pretendem divulgar o medo através da manipulaçom mediática que sobredimensiona as consequências de ocupaçons de vivendas e dos roubos em grandes propriedades para conseguir que sejamos as de abaixo as que demandemos mais controlo policial e medidas legáis que nos deixem indefesas perante a classe dominante.
Conscientes de todo isto também queremos manifestar o nosso firme rechaço a quem rouba e dana em pequenas lojas ou negócios locáis da vizinhança e ainda mais em projetos autogeridos que, como a Gentalha, nom tiramos qualquer lucro individual e tenhem como única razom de ser o benefício coletivo.

Face o individualismo e o "salve-se quem puder" que nos impóm o capitalismo, da Gentalha mais umha vez propomos redes de apoio mútuo, solidariedade e organizaçom coletiva.

Só o povo salva o povo.
... Ver maisVer menos

Ver no Facebook

2 semanas atrás

AJA Galiza
Ver no Facebook