a AJA Galiza
irá comemorar
o 25 de Abril

Cinema, um colóquio, umha exposiçom e música nas ruas de Compostela e Rianjo servirám para achegar à Galiza protagonistas dos feitos que conseguírom acabar com a ditadura salazarista e trazer a liberdade para Portugal.

A Associaçom José Afonso programa a semana de actividades “Galiza com o 25 de abril Sempre”, em colaboraçom com os concelhos de Santiago de Compostela e de Rianjo, para dar a conhecer no nosso país os acontecimentos da Revoluçom dos Cravos. Cinema, um colóquio, umha exposiçom e música nas ruas de Compostela e Rianjo servirám para achegar à Galiza protagonistas dos feitos que conseguírom acabar com a ditadura salazarista e trazer a liberdade para Portugal.

A consigna “É nosso dever fazer de todos os dias o dia da liberdade” do capitám Salgueiro Maia pode-se ler no cartaz que foi desenhado pola AJA-Galiza sobre umha obra do ilustrador José Antonio Fundo. Com este fío condutor a Associaçom José Afonso quer divulgar história e cultura de Portugal entre a mocidade galega, um dos objetivos desta entidade.

Nesta ocasiom, as pessoas interesadas poderám adquirir camisolas, bolsas, crachás e mesmo a reproduçom numerada dum cartaz conmemorativo do 25 de Abril que fai parte da exposiçom da coleçom que se irá exibir em Rianjo e logo percorrerá diversas vilas e cidades.

As atividades começam com o “Cinema de Abril“, com a projeçom de “Bom Povo Português” (Rui Simões, 1981) e “O Cravo da Liberdade” (Andreia Marques, 1996). Será a segunda, 23 de abril na Assoc. Vicinal Francisco Asorei da Almáciga, em Compostela.

A palestra “Os dias da liberdade” contará com a participaçom de Camilo Mortágua, capitám de Abril, que interviu nos assaltos ao paquete Santa Maria e ao Banco de Portugal que servírom para financiar a revoluçom; e da jornalista e professora Margarita Ledo, exilada em Portugal em 1974. Este ato será o 24 de abril ás 19:30 na Faculdade Geografia e História, em Compostela.

A apresentaçom da exposiçom “Os cartazes do 25 de Abril” será a quarta 25 de abril às 17h30 no Auditório Municipal de Rianjo e contará com a intervençom da historiadora Alba R. Silgo. Nessa mesma data haverá umha “Ruada do Grândola” que percorrerá as praças e ruas da zona velha de Compostela, com saída às 21h00 da praça do Pam, com foliada e cantar colectivo e estará amenizada polos Enxebres de S. Lázaro

Finalmente, o concerto “Abril Sempre” será o sábado 28 de Abril às 19h00 na praza do Pam, em Compostela, com a participaçom dos artistas portugueses Manuel Esse “Trío” e Manuel Teixeira & António Rosa, que interpretarám cançons-protesto e de intervençom para lembrarem os acontecimentos da Revoluçom dos Cravos e a trajetória de José Afonso.

3 semanas atrás

AJA Galiza

5 e 6 de outubro comemoraremos em #Compostela o 85 aniversário do IX Congresso de Nacionalidades Europeias.

Na sexta-feira, 5 de outubro, às 20.15, decorrerá no Vide Vide umha palestra sob a legenda "O Galeuzka e o IX Congresso de Nacionalidades Europeias" ministrada polo historiador e membro do Instituto Galego de História Xosé Ramón Pousa Estévez.

Sábado 6 às 11.30h no Salom Nobre de Fonseca (no Pazo de Fonseca decorrerá um ato politico com Pep Cruanyes, vicepresidente da Assemblea Nacional Catalana, Unai Lizaso, da Secretaria Nacional de Gure Esku Dago-Hernani e María Xosé Bravo, da Porta-vozia da Via Galega VG
... Ver maisVer menos

Ver no Facebook

3 meses atrás

AJA Galiza

Neste #DiaDaPátriaGalega, a AJA inaugura a sua participaçom com a presença no Festigal, onde teremos uma banca com materiais sobre José Afonso e a sua relaçom com a Galiza. Nom deixes de vir conhecer-nos! ... Ver maisVer menos

Ver no Facebook
2018-04-18T14:28:00+00:00