Apresentado o novo livro da Maria Jorgete Teixeira

Mulher à beira
duma largada de pombos
que fazer do teu braço
do teu crime
da tua mão justiceira?
— José Afonso

O passado 1 de Junho foi apresentada na livraria Pedreira de Compostela o novo livro de contos da Maria Jorgete Teixeira. Foi da mao da filóloga, escritora e política galega Goretti Sanmartín, que debulhou as interioridades do livro de contos a partir de uma leitura galega, a destacar as ligaçons que, para além das referências universais, podem ser encontradas nesta obra com a literatura galega. As mulheres de justiça pola mao de Rosália de Castro, a conceitualizaçom da maternidade de Castelao, etc.

Maria Jorgete Teixeira falou sobre a solidom da escrita e explicou como é que estes contos nasceram no espaço da AJA, inspirados pola figura e pola criaçom literária de José Afonso, e pola necessidade de dar voz às mulheres além de simples figuras decorativas na maior parte da literatura. Ademais, a autora teve tempo de refletir ainda sobre a necessidade de resistir na cultura própria e enviou aços às organizaçons e pessoas que lutam por conservar e desenvolver esse património que nos une, que é a língua galego-portuguesa.

«Mulher à beira de uma largada de pombos» é, portanto, um livro de onze contos que homenageiam algumhas cançons do Zeca, mas aqui revisitadas a partir de umha olhada de mulher. Umha olhada que convida a voltar à complexa poesia do autor de Grândola, mas que reclama, por si própria, toda a atençom. «Era um redondo vocáculo, uma soma de gente», «Avenida de Angola», «Velha da Terra Morena», «Quanto é doce», «No lago do Breu» ou «Chamava-se Catarina, o Alentejo a viu nascer» já nom som mais apenas versos dele, mas também a palavra das suas mulheres.

3 semanas atrás

AJA Galiza

5 e 6 de outubro comemoraremos em #Compostela o 85 aniversário do IX Congresso de Nacionalidades Europeias.

Na sexta-feira, 5 de outubro, às 20.15, decorrerá no Vide Vide umha palestra sob a legenda "O Galeuzka e o IX Congresso de Nacionalidades Europeias" ministrada polo historiador e membro do Instituto Galego de História Xosé Ramón Pousa Estévez.

Sábado 6 às 11.30h no Salom Nobre de Fonseca (no Pazo de Fonseca decorrerá um ato politico com Pep Cruanyes, vicepresidente da Assemblea Nacional Catalana, Unai Lizaso, da Secretaria Nacional de Gure Esku Dago-Hernani e María Xosé Bravo, da Porta-vozia da Via Galega VG
... Ver maisVer menos

Ver no Facebook

3 meses atrás

AJA Galiza

Neste #DiaDaPátriaGalega, a AJA inaugura a sua participaçom com a presença no Festigal, onde teremos uma banca com materiais sobre José Afonso e a sua relaçom com a Galiza. Nom deixes de vir conhecer-nos! ... Ver maisVer menos

Ver no Facebook
2018-06-04T14:15:44+00:00