a Associaçom 2018-01-10T15:40:31+00:00

AJA Galiza

 (umha associaçom para difundir os valores do Zeca)

Bem AJA!

A Associaçom José Afonso é umha entidade cultural e cívica que nasceu em Setúbal em 1987, apenas uns meses depois da morte do Zeca, em torno à memória e ao exemplo que como artista-militante nos legou. Depois de 30 anos de caminho e com quinze núcleos activos por todo Portugal e na diáspora portuguesa em Bruxelas, um grupo de activistas galegos vem de criar a AJA Galiza, umha organizaçom autónoma mas ligada diretamente à AJA originária, com o objeto de difundir os valores do Zeca Afonso na Galiza, e promover, a sul do Minho, a realidade social e cultural do nosso país.

José Afonso foi muito mais que o cantor do Grândola. Militou em todas as causas solidárias do seu tempo, da descolonizaçom da África à defesa do direito de autodeterminaçom dos povos, sempre na irmandade com todas as pessoas humilhadas do mundo. O Zeca foi um crítico com qualquer forma de servidom e hipocrisia e um promotor das soluçons coletivas, da fraternidade e da criatividade popular. Mas também teve a Galiza como a sua segunda pátria. E é por isso que as actividades da AJA Galiza irám servir de ponte a uma e outra beira do Minho e da raia seca.

Venham mais cinco

Junta-te a nós!

A AJA Galiza está sempre a necessitar maos que trabalhem, que apoiem ou que simplesmente difundam as actividades da organizaçom. Para entrares em contacto, é só mandares umha mensagem através do nosso formulário. Como disse o Zeca: «traz outro amigo também!»

Por favor, indica a localidade ou concelho em que moras

…a única actitude foi aquela que nós tivemos, de recusa frontal e inteligente, se for possível até pola insubordinaçom, até pola subversom do modelo de sociedade que está a ser oferecido…