AJA Galiza apresenta livro com partituras, letras e diagramas de acordes de todas as cançons do Zeca

Cartaz dos atos de apresentaçom do livro

A AJA-Galiza colabora neste mês de novembro com a apresentaçom na Galiza do livro José Afonso, Todas as Canções. Partituras, letras e cifras, que reune as partituras, letras e diagramas de acordes de 159 cançons da autoria de José Afonso, compiladas e transcritas por Guilhermino Monteiro, José Mário Branco, João Lóio e Octávio Fonseca.

O programa consta de apresentaçons deste livro-compilaçom programadas em Vigo, Vila Garcia de Arousa, Corunha, Ferrol e Compostela, que contarám com acompanhamento musical de Xico de Carinho, Su Garrido, César Morán Grupo, Maria Manuela e Manolo Bacalhau e a colaboraçom de várias entidades culturais, como as livrarias Pedreira e Cartabón, o Ateneo Ferrolán, Portas Ártabras e a Asociación Lobisome.

José Afonso, Todas as Canções. Partituras, letras e cifras é umha publicaçom fundamental para qualquer pessoa que quiger conhecer com maior profundidade a obra e a figura de José Afonso, um jeito de reviver as emoçons que nos transmitem as suas músicas e as suas letras e de continuar a espalhar as suas ideias de solidariedade.

This message is only visible to admins.
Problem displaying Facebook posts. Backup cache in use.
Click to show error
Error: Error validating access token: The session has been invalidated because the user changed their password or Facebook has changed the session for security reasons. Type: OAuthException