Aberto o prazo para participar na I Bienal Internacional de Mail Art Zeca Afonso

A Associaçom José Afonso – Galiza organiza a I Bienal Internacional de Mail Art Zeca Afonso sob a temática das línguas minorizadas para reflectir situaçons de subordinaçom idiomática tanto do galego como das existentes noutras partes do mundo. As pessoas interessadas em participar tenhem de prazo até 1 de Maio; as bases e o endereço para enviar as obras artísticas podem ser comprovadas na web http://www.aja.gal

A AJA-Galiza escolheu o suporte do Mail Art para esta actividade criativa com o fim de tornar visível a situaçom das línguas em conflito, das que também se fixo eco José Afonso. A exposiçom inaugural realizará-se en Maio de 2019, ligada às celebraçons do Dia das Letras Galegas, que comemora a literatura em língua galega. No final do período expositivo, a AJA Galiza editará um catálogo digital de todas as obras, que será remitido às pessoas participantes por correio electrónico junto com um certificado digital que acredite a sua participaçom.

Mail Art é a denominaçom que se emprega para designar umha actividade artística que utiliza como meio de expressom a distribuiçom postal. Estes envios postais podem ser desde mensagens, collages ou consignas até poemas, relatos curtos ou pinturas.

Poderám participar nesta bienal todas as pessoas que o desejaren, profissionais ou amadoras, com um máximo de três obras originais e com técnica livre. As obras deverám ser originais ou reproduçom adaptada para o formato postal de obras originais. Todas as obras deverám estar livres de direitos de terceiras pessoas, assumindo esta responsabilidade a pessoa que envia a postal. O único formato admitido para este concurso será o postal, com um tamanho máximo de 15 x 9 cm (6 x 3,5 polgadas) para oferecer um melhor discurso expositivo nos distintos espaços destinados para isso.

Nom serám aceitas obras sexistas, homofóbicas ou contra os valores democráticos, polo que a admissom das postais fica sujeita à valoraçom prévia por parte de membros da AJA Galiza.

As obras recebidas poderám ser expostas em distintos espaços tanto físicos na Galiza e em Portugal, aproveitando a rede de que dispom a AJA Portugal, quanto virtuais através da web www.aja.gal ou nas redes sociais de acordo com a pretensom de difundir a iniciativa. A informaçom referente aos locais e às datas de exposiçons estará disponível no website da AJA Galiza e também nos seus perfis das redes sociais.

Ir para as bases

1 mes atrás

AJA Galiza

'José Afonso ao vivo' é unha edición especial e numerada, con dous CDs e un vinilo, dun par de concertos inéditos deste cantautor que a Libraría Couceiro rec... ... Ver maisVer menos

Ver no Facebook

2 meses atrás

AJA Galiza

Em "José Afonso ao vivo", escuita-se ao Zeca: "Galiza pertence à mesma realidade cultural que Portugal, que o norte de Portugal, mas por artes de birles e birloques, por lutas entre senhores feudais hoje existe uma fronteira a separar os povos que têm a mesma língua".

Nas imagens: José Moças, Odilo G. Carnero e Xico Malheiro. O livro-cd com as gravações dos concertos descobertos de José Afonso está à venda na Libraría Couceiro de Santiago de Compostela.
... Ver maisVer menos

Ver no Facebook
2019-03-28T12:41:20+02:00